NEWS - Sidd dir op den RTL1 Abrëllsgeck ragefall?
Abrëll, Abrëll: RTL awer nach an der Hand vu Bertelsmann
RTL Lëtzebuerg huet Iech dëst Joer keen Abrëllsgeck gegënnt, wuel awer RTL1.
Zwar versicht Bertelsmann schonns zanter längerer Zäit RTL Lëtzebuerg lasszeginn, mee net, wéi mir gëschter gemellt hunn, de Sender un eis ze verkafen. Bei RTL selwer gouf et dës Joer wuel näischt ze laachen. Oder louch et vläit dorunner, dass dësen éischten Abrëll op den Ufank vun der Ouschtervakanz an op e Feierdag gefall ass, dass RTL op säin traditionellen Abrëllsgeck verzicht huet?
Dobäi wor RTL dach all déi Jore besonnesch kreativ, wann et drëms gaangen ass mol een Dag laang net just Police-Rapporten ze kopéieren. Dacks huet RTL säin Abrëllsgeck mat engem Thema a Verbindung bruecht, dat eis all am meeschten um Häerze leit, dem Auto. D’N7 géif 4 Spuere kréien, d’Stoppschëlder géifen ersat ginn, d’Autoen aus engem Parkhaus géife versteet ginn an am Tunnel Stafelter géifen Tester gemaach ginn: 4 vun 8 Abrëllsgecken aus deene leschten 10 Jore waren op de wichtegste Public vun RTL cibléiert: d’Automobilist*innen. D’RTLs Abrëllsgecke funktionéiere meeschtens zimmlech gutt, wat dorunner läit, dass sech d’Aart-a-Weis wéi déi normal RTLs-Artikele geschriwwe sinn a wéi si sech verbreeden am Fong genee sou opgebaut sinn, wéi den Abrëllsgeck. Et geet dacks ëm belanglos Kuriositéiten, déi dann esou formuléiert an inzenéiert ginn, dass d’Leit aus Virwëlz drop klicke ginn, bzw. drop rafalen. Kee Wonner also, dass um RTL Facebook och dëst Joer nees ënnert all Artikel deen RTL gepost huet vu User*innen „Abrëllsgeck?“ drënner kommentéiert gouf.
-
Meckerhary02.04.2024Ass et net méi de gudden Hiert, dee fir all seng Scheewecher gläichermoossen do ass? Ass et net méi de gudde Papp, dee seng Kanner all bei sech rifft? Ech si geimpft, geboostert an teste mech regelmässeg - a wäert mech ower net méi bei déi "chréschtlech" Leit gesellen.
-
Knouterer202.04.2024alt nach eng statistik, die als dessert kënnt, wann well laang jiddereen seng positioun ageholl huet beim match. fir deen een camp bestätegt se, waat d'wëssenschaft seit ufank vunn der pandemie priedegt ("impfen hëlleft") an die aaner wäerten sech d'statistik sou "zurechtschwurbelen", bis se passt. d'impfung ass eng ziemlech bëlleg investitioun matt engem impressionanten ROI - vive la vaccination. 😉
-
Knueterbatti02.04.2024Geet guer net! Daat ass de Geck mat all deenen gemaach déi vill Zait an Energie fir hier Recherchen an Arbeschten gemaach hun! Respektiv waat ass en Diplom nach waert…. An effektiv, wien wees wou hien et nach net sou genau helt…. ass net wirklech mei crédibel!
-
Knueterbatti02.04.2024Mi zéien nach emmer dat grouss Kapital op Lëtzebuerg. Dat verschaaft ons zwar am Moment prass gefëllten Staatskeesen, mais zu wat fir engem Preis? Et get Zeit fir eng Ännerung vun der Politik.
-
Donald Duck02.04.2024Tiptop fir hien
-
KNOUTERBATTI02.04.2024Et kinnt een d'Problematik och ëmkéieren: Dacks, awer Gott sei Dank net ëmmer, sin d'Patienten Affer vu verbaler Gewalt an de Spideeler. Zumols wann d'Patienten d'Sprooch vum Fleegepersonsal net richteg verstinn an ëmgedréint. Et kënnt vir dass d'Personal d'Patienten, zumol wann se schonn e gewëssen Alter erreecht hunn, net méi vir voll huelen a sie behandelen wéi wann se dement wieren. Ech weess vu wat ech schwätzen, gleeft mir et.
-
Mellechmann02.04.2024All guddes gewenscht