Grouss Kontroll an der Haaptstad

De 7. Februar 2024, tëscht 16.00 an 23.30 Auer, huet d’Police eng grouss Kontroll an der Rue Joseph Junck an an der Rue du Fort Neipperg an der Gare an der Haaptstad gemaach.

De Fokus vun der Campagne war de Kampf géint Drogen-verbonne Kriminalitéit, Violatioune vum Droen a Besëtz vu verbuedenen Waffen, d’Kontroll vun Identitéitspabeieren an Openthaltserlaabnes souwéi d’Kontroll vun Lizenzpabeieren fir Pubs.

Am Ganze goufen 85 Leit kontrolléiert. Kleng Quantitéite vu Marihuana, Haschisch a MDMA, souwéi e Teleskopstéck, goufen vun e puer vun de kontrolléierte Leit saiséiert. 8 Leit goufen identifizéiert. Donieft gouf a 6 Fäll eng Friemennotiz opgestallt an zwou Persounen am Centre de Rétention gesat.

Am Ganze waren 89 Polizisten aus verschiddenen Departementer souwéi Beamte vun der Inspection des Commerce et de Mines (ITM) bei der Kontroll involvéiert.

Wien huet de Rapport vun der Police besser kopéiert? RTL.lu oder RTL1.lu?